Dalam kultumnya tersebut ada sesuatu yang berbeda dibandingkan kultum-kultum sebelumnya. Dalam kultumnya kali ini, ia menyampaikan kisa nabi Ibrahim dengan menggunakan bahasa banjar, padahal ia berasal dari Kabupaten Pati, Provinsi Jawa Tengah. Namun karena ia sedang belajar bahasa banjar untuk menyesuaikan orang-orang di lingkungan Pengadilan Agama Kuala Kapuas yang notabene menggunakan bahasa banjar, maka ia berusaha menyusun materi kultumnya tersebut dengan menggunakan bahasa banjar. “Kultum saya ini menggunakan bahasa banjar, saya akan bacakan dalam bahasa banjar” ucapnya di awal kultum, yang kemudian ia langsung membacakan materi kultumnya dengan menggunakan bahasa banjar. Materi kultumnya ialah sebagai berikut.

Nang Ulun hormati, Yang Mulia Ibu ketua Pengadilan Agama Kuala Kapuas Ibu, Dra. Hj. Norhayati, MH. Bapak Wakil Ketua, Yang Mulia H. Ahmad Farhat. S,Sg, SH, M.Hi. Bubuhan para Hakim Bapak H. Abdullah, Shi, MH, Bapak Zuhairi Bharata Asbahi, SHi, MH. Nang ulun hormati Bapak Ketua dan wakil Panitera Pengadilan Agama Kuala Kapuas, Drs. H. Moklis, H, Abdussahid, S,Ag. Bubuhan barataan jajaran kepaniteraan. Bubuhan guru-guru, Lawan kakawanansabarataan staff, karyawan, calon hakim di PA Kuala Kapuas

ayu ja bapadaan memadahkan puji syukur ke hadirat Allah SWT, karena bara katlimpahan rahmatnya, kita masih kawa beribadah secara khusyuk dan menghadiri majlis ilmu dalam bulan Rhamadan yang mulia ini. Shalawat serta salam semoga selalu terpancar ke junjungan kita Nabi Besar Muhammad SAW, mudah-mudahan kita kawa baulih Syafa’at sidinila yaumil qiyamah amin.

ulunmemadahkan terimakasih kepada panitia Bulan Ramadhan masjid Ar-Roudhah di PA Kuala Kapuas yang telah mempercayakan waktu sidin untuk dibagi kepada ulun untuk mengisi kultum pada waktu, tempat dan kesempatan ini.

Ulun, batalimpuh dihadapan bubuhan pian ngini, ulun handak umpat bakisah. Hakun lah pian, mandangarakan ?

Kisah ulun ngini, bajudul “nabi ibrahim dicucul api oleh kaumnya”. Kaini kisahnya nah. Suatu hari, nabi ibrahim waktu ngitu sedih banar, kanapa jadi sadih? Karena selain kaumnya yang kada mau menerima dakwahnya, abah sidin sorang kada mau jua baiman lawan Allah swt. Tapi, nabi ibrahim tatap tabah lawan kuat mahadapi.

Lalu, nabi ibrahim befikir. Kayapa caranya supaya kaumnya tahu bahwa patung berhala nang disembah bubuhannya itu kadada manfaatnya jua lawan kadada baisi kakuatan jua.

pas waktu ngitu, kota dimana nabi ibrahim badiam sunyi, lantaran bubuhannya tulakan keluar kota manggawi kabiasaan mereka merayakan hari raya di padang luas di luar kota.

Jar nabi ibrahim baucap: nah, ngini pas banarnih. Kuhancurkan kam patung-patungai hari ini.

Limbah dilihat sidin, bubuhannya sudah tulakan sebarataan. Lalu sidin maampil kapak ganal, tulak sidin ke tampat penyembahan berhala. Pas sampai disitu, baucap nabi ibrahim saurangan sing nyaringan, ei bubuhan berhala, makanan banyak ni nah, nyaman-nyaman pulang, kanapa kada dimakan ? siapa nang kawa bepandir disini, jawab!

Limbah itu, disepak-sepak sidin dulu berhala tu, imbah itu, hanyar sidin hancur pakai kapak. Imbah parak habis seberataan sudah, sidin sisai berhala nang paling ganal sebuting, sidin gantung kapak tadi di gulu berhala nang paling ganal itu.

imbah bubuhannya bulikan, lalu abutai sakampungan melihat patung hancuran. Abut bubuhannya mancari, akhirnya bubuhan mamutusakan bahwa ibrahim jua nang mahancurakan, sualnya jar bubuhannya nabi ibrahim haja di kota ngini nang kada katuju lawan patung ngitu.

Lalu disidangai nabi ibrahim di tengah kota. Jar bubuhannya batakun, hai ibrahim: ikam kalu nang mahancurakan berhala? Jar nabi ibrahim: kada malihat lah bubuhan ikam? Nang manguti kapak ganal tu siapa? Nang mangutinya patung berhala nang paling ganal klo?

Pas hari h nya, bubuhannya mangumpulakan kayu bakar sing banyakan. Limbah ngitu, disalukut bubuhannya, limbah apinya pina ganal. Lalu ditimbai bubuhannya nabi ibrahim ke dalam api tu. Tapi, nabi ibrahim kada takutan, nabi ibrahim tawakal lawan allah.

Laluai nabi ibrahim ditimbai ke dalam api, lalu allah berfiman supaya api jadi dingin, nabi ibrahim kada marasa panas sama sekali, malah sidin kedinginan. Marasa kadinginan, lalu kaluarai sidin bajalan, santai ja sidin kaluar.

imbah malihat ngitu, lalu takajutan ai bubuhannya seberataan bah, jar bubuhannya, nangkaya ngini cara, bararti dasar bujur nabi ibrahim ni. lalu bubuhannya ragu lawan patung nang bubuhannya sambah. Imbah peristiwa ngitu, banyak nang menerima keimanan kepada Allah swt. Kaitu pang kisahnya. Jadi, hikmah nang taditu; apabila kita mendapa musibah atawa cuban, hendaklah kita bersabar, tawakkal dan pasrahkan semuanya kepada allah. Karena allah sanantiasa menolong hambannya. Sampai disini kisah ulun, mudahan bubuhan pian katuju. Ulun tutup lawan pantun.

Buah mangga rimbun di rapun. Gugur sabiji diatas hatap. Lawan nang tuha ulun minta ampun. Lawan nang anum ulun minta maaf. Wassalamualaikum wr. Wb. (Senin, 04 Juni 2018)

[Epri Wahyudi]